PINESTHI

PINESTHI DENING R. NGT. SUISDIYANTI SARMO

Judul                           : PINESTHI

Panyerat                     : R. Ngt. Suisdiyanti Sarmo

Penerbit                      : Azzagrafika

Tahun terbit               : 2013

Jumlah halaman       : 68 Halaman

Ing novel iki kapecah ana sangang judul sing iseh sambung sinambung antara judul siji lan sijine. Judul e yoiku; Pasinaon, Sujana, Raket, Pacangan, Kuwur, Bocah Lola, Nglamar, Dipingit, Pinesthi.

      Ing sub judul Pasinaon iki isine pendahuluan, ing kene isine tentang pengenalan tokoh-tokoh sing bersangkutan ing cerita iki. Tokoh e ana Tanti sing dadi tokoh utamane. Tanti kuwi bocah wadon kang ayu lan ora mbedak-mbedakake kanca, dheweke ing kene nduweni kelompok belajar sing anggotane ana telung uwong yokuwi Tanti, Hartono lan Kusno.

      Olehe Tanti belajar kelompok karo kanca-kancane nganti wengi-wengi. Saengga ibune Tanti oleh laporan yen olehe Tanti belajar kelompokan mung boncengan mrana-mrene ora sinau. Ananging ibune Tanti iseh percaya marang Tanti, amarga ora mungkin Tanti ngapusi.

      Dene sub judul Sujana iki isine babagan olehe Tanti mikirake kedadean sing wis kalampahan dening Tanti lan kanca-kancane kelompokan, nganti Tanti ora bisa turu angler. Tanti tansah mikir banget kedadean ing sekolahane kuwi, Pak Kus kancane Tantri kelompokan among bisa ngakon supaya Tanti ora mikir banget kedaean kuwi mau.

      Ing sub judul Raket, nyariosaken babagan anggenipun Tanti lan Pak Kus kekancan dadi tan saya raket amarga anane masalah kuwi mau. Saben-saben arep budhal sekolah Pak Kus ngampiri Tanti guna budhal bareng.

      Sore kuwi langite peteng ndhedhet, Tanti lan Pak Kus bali saka sekolahn ananging ing kono udan deres banget. Saengga Pak Kus lan Tanti ngeyub ana ing Pom bensin. Ing kono akeh sing padha ngeyub, termasuk e ya Tanti lan Pak Kus kuwi.

      Awane  Pak Kus ora ngampiri Tanti kanggo mangkat bareng, amarga Pak Kus masuk angina dadine Tanti budhal dhewe. Pak Kus njaluk ngapura marang Tanti, Tanti yo nglumrahake. Banjur Pak Kus ngajak Tanti melu menyang Clereng, amarga libur tanggal abang iki kanca-kancane padha ngajak dolan menyang kana. tanti gelem-gelem wae di ajaki.

      Tekan kana Tanti tepar, Pak Kus njaluk tulung menyang Simbok bakul dhawet supaya ngeserake balsem ing gegere Tanti. Jebul Tanti masuk angin. Pas wayahe arp padha bali, akeh sing padha mampir menyang pasar saperlu kanggo tuku oleh-oleh. Nanging Tanti ora melu menyang pasar amarga Tanti bar tepar karo maneh dheweke di penging menyang pasar karo Pak Kus.

      Sawise tekan ngomah, Tanti dipasrahake menyang simboke, amarga ibune ora ana ing ngomah. Tanti langsung adus lan turu ing kamare.

      Ing sub judul Pacangan, Tanti di jodohake karo kancane bapake, lan Tanti uga di jodohake karo bocah Bantul dening ibune, najan Tanti dhewe yaw is nduwe sir-siran dhewe, ananging Tanti bingung kudu kepriye. Najan atine Tanti kanggo Pak Kus. Tanti arep nolak wedi yen bapake gerahe kambuh, nanging nek ora nolak Tanti bakale tekanan batin.

      Anggone Tanti mikir masalah iki ndadhekake Tanti lara, limang dina Tanti di rawat ing Rumah Sakit. Pak Kus sing asring nunggu Tanti. Nganti Pak Kus ora semangat mlebu sekolah amarga ora ana Tanti ing sekolahan.

      Tanti curhat karo Pak Kus yen dheweke di jodohake, nanging dheweke ora kepengin di jodohake ngono kuwi. Pak Kus melu ngrasakake apa sing lagi di rasakake Tanti abot kanggo di piker dhewe. Mula saka kuwi Pak Kus saguh ngrewangi Tanti.

      Ing kene Tanti lan Pak Kus padha-padha nduweni rasa tresna nanging padha-padha ora wani kanggo ngomongake. Pak Kus rasane abot arep ninggalake Tanti dhewekan ana ing rumah sakit. Gelem ora gelem Pak Kus kedah ninggalake Tanti dhewekan ana ing Rumah Sakit amarga Pak Kus kudu mangkat sekolah.

      Sub judul Kuwur, nyeritakake babagan bapake Tanti gerahe kambuh lan kedah langsung di gawa menyang rumah sakit. Nanging ing wayah wengi-wengi Tanti bingung arep gawa bapake menyang rumah sakit karo sapa, untunge Pak Kus iseh ana ing omahe Tanti, dadine Pak Kus sing ngewangi Tanti gawa bapake menyang rumah sakit.

      Ing rumah sakit Tanti mung bisa nangis sesenggukan. Dheweke ora kuwat ndeleng bapake sing lagi kaya mengkono. Pak Kus ngomongi Tanti supaya aja nangis wae, nanging Tanti iseh nangis wae. Pak Kus ngomong menyang Tanti nek Tanti ora gelem meneng arep di tinggal bali, Tantri malah tan saya seru olehe nagis karo ngomong aja ditinggal bali. Pak Kus banjur ngomong nek gak gelem di tinggal bali nangise uwis. Tanti meneng lan nunggu bapake ana ing ruang tunggu karo sedhilit-sedhilit mak pet mripate.

      Tanti dikon turu dening Pak Kus, amarga Pak Kus ngerti yen Tanti lagi ngantuk banget. Pak Kus nunggoni Tanti lan bapake Tanti, olehe Pak kus nunggoni Tanti di jaga kanthi temenan. Pak kus ndeleng Tanti rasane ayem banget.

      Pak Hadi wis saya sehat awake, banjur mulih menyang omahe, nanging sadurunge Pak Hadi bali, wonge nakoni Tanti kepiye karo sing ditawakake bapake wingi-wingi kae. Tanti bingung olehe arep mangsuli, Tanti wedi yen bapake gerah maneh. Nanging Tanti ya kudu ngomongake apa anane supaya ora lara ati. Tanti ngomong nyang bapake menawa dheweke ora seneng, dheweke iseh wedi lan dheweke iseh arep ujian dadine Tanti emoh. Tanti ngmong karo nangis sesenggukan.

      Banjur Pak Hadi ngomongi Tanti, yen Tanti emoh dipernahne bapake ora papa sing penting mengko aja nganti entuk wong ndeso.

      Ing sub judul Bocah Lola, nyeritakake kahanae Tanti sing ditinggal seda bapake. Tanti sedih banget, nganti bola bali semaput. Tanti ora kuwad ditinggalake bapake. Tanti sing anak ragil ndadekake Tanti mikir sakabehane amarga kangmase Tanti sekolah ana ing Malang, dene mbakyune mentas babaran kamangka kanggo sesambungan telegram rada angel amarga ana ing pelosok desa.

      Ing sub judul Nglamar, iki nyaritakake kahanane Pak kus sing ngomongake yen dheweke saguh dadi bapak lan saguh dadi sisihane Tanti, dheweke bakal ngemong Tanti. Tanti mangsuli kanthi isin-isin seneng. Saben-saben Tanti cedhak karo Pak Kus, Tanti ngrasane ayem banget kaya ana sing ngayomi. Pak Kus ngomong karo ibune Tanti yen bakale arep nglamar Tanti kanggo dadi sisihane.

      Ing sub judul Dipingit, iki nyaritakake Tanti sing wis sah dadi tunangane Pak Kus, Tanti nganggo ali-ali sing njerone ana tulisane Kusno Atmaja, dene ali-aline Pak Kus ana tulisane Tanti Anggraeni. Tangga teparo wis padha ngerti yen Tanti wus dadi tunangane Pak Kus.

      Rongsasi wis olehe Tanti lan Pak Kus tunangan. Nganti ing dina iki Pak Kus lan Tanti di omongi ibune Tanti yen Tanti kudu mara menyang gone pakdhene suwene telung sasi. Tanti lan Pak Kus rembugan babagan sing diaturake ibune mau. Pak Kus ngmong ora papa pisahan adoh, anggere Tanti bisa dipercayakasetyane lan maneh rong minggu pisan Pak Kus bakal tilik menyang omahe pakdhe. Banjur Pak Kus ngajak dolan Tanti menyang Slarong.

      Janjian jam 10 esuk, nanging jam 9.35 Pak Kus wus ngampiri Tanti. wong loro padha janjian dolan ora mangkat sekolah.

      Ing sub judul Pinesthi, iki nyaritakake Tanti sasuwene ing omahe pakdhene, telung sasi sadurunge ijab sah. Mangkat di eterake dening ibune lan calon sisihane yoiku Pak Kus. Ing omahe Pakdhe Tanti atine krasa kesepian.

      Ing omahe pakdhe, Tanti di senengi dening Mas Harno, Mas Harno asring kirim laying kanggo Tanti nanging Tanti jarang balesi layange. Mas Harno kuwi anake mbakyune bojone pakdhe

      Mas Harno menehi ngerti Tanti yen mase Tanti sing jenenge Eko jarene arep nanggone paklik Sena. Dheweke kepengin ketemu Tanti lan arep kenalan karo calon garwane. Yen wis kenal arep diadang neng ndalan, arep dipateni ben ora bisa ngepek Tanti.

      Ora krasa wis rong sasi ing gone pakdhe, Tanti diajak ibune menyang gone mbakyune kanggo ngamanake Tanti lan calone. Ing gone mbakyune uga ana sing ngesir Tanti. trah dasare wong ayu neng ngendi-ngendi papane mesthi enek sing ngesir. Tanti disir dening kancane Dewa. Nanging Dewa yaw is menehi weruh yen Tanti kuwi wis arep nikhan seminggu maneh. Mula kancane Dewa mundur kanthi ikhlas.

      Esuke, Tanti lan sedulur-sedulure kabeh padha mangkat menyang gone pakdhe. Bareng tekan gone pakdhe, pacangan wus komplit. Tanti ngrewangi budhe nata uba rampe ana ing njero. Kamar penganten ditata lan dirias miturut selerane Tanti dhewe.

      Pener jam siji awan Tanti lan Pak Kus sida diijabake ing daleme pakdhe. Ijab Kabul wis di ucapake kanthi lancer. Tanti wis sah dadi sisihane Pak Kus.

Kuwi mau kira-kira gampangane cerita sing ana ing saben-saben bab ing njero buku iki. Najan cerita keseluruhane kuwi intine nyeritakake Tanti lan Pak Kus sing padha-padha nduweni rasa tresna, saka ora wani ngomongake nganti tekane Tanti lan Pak Kus nikahan.

 Ing buku iki nganggo basa sing kepenak kanggo mahamine. Nanging kadhang ana bahasa sing tak kira ora nyambung ing kono. Kayata pas Pak Kus omong-omongan karo Tanti. tak kira sing ngomong Tanti, jebul sing ngomong Pak Kus. Terus tak kira sing ngomong Pak Kus jebul sing ngomong Tanti.

Cerita iki migunakake alur maju, amarga ing kene ora ana sing nyaritakake kahana sing mbalik ning jaman ndhisik. Dene latar saben-saben panggonane di jlentrehake kanthi jelas.

Saka novel iki aku bisa jupuk kesimpulan, kang bisa ditiru nganggo referensi uripe dhewe, yokuwi;

1. Kekancan kuwi aja pilih-pilih, supaya bisa nduweni kanca sing akeh tur ora dikira sombong opo kepriye ngono.

2. Nek sekolah kuwi paling penak nek sinaune disangga bareng, kaya ing kene sinau kelompok.

3. Bekti marang wong tua.

4. Jujur lan wani tanggung jawab.

5. Njaga kasetyan kang wis diwienehake dening uwong.

6. Menawa nglakoni hubungan kuwi sing serius aja dinggo dolanan. Supaya mbesuke bisa kaya uripe Tanti lan Pak Kus. Sesandhingan kanti sah.