Papasan

PAPASAN

Lagi sepisan iki,

Aku ngrasakake ana sing beda,

Embuh kuwi bedane ana ngendi!

Saben-saben aku papasan,

Aku ngrasa ana sinar ing pasuryanmu,

Kamangko,

Aku durung kenal awakmu

Amung nama kang cumenthel ing dada tengan

Sing dak weruhi.

Papasan pisan,

Aku amung bisa ndeleng pasuryanmu

Kang kalem, ngademke ati.

Papasan pindo

Aku bisa ngrasakake tentreming jiwa,

Bagusing ati,

Lan solah bawa kang becik.

Papasan ketelu,

Amung gawe aku mengo amba!

Aku ora percaya,

Yo! Aku ora percaya

Aku ora percaya yen awakmu duweni rasa

Ora dak sangka-sangka,

Ora tak nyana-nyana,

Awakmu mara ing ngarepku menehake tandha

Tandha tresna

Kang awujud tembang katresnan

Semarang, Juli 2014