BBM

BBM

BIASA BIASA MAWON

Wanto Tirto

bbm
biasa biasa mawon
esuk ngode tekan awan
rampung ngode bali ngumah
temon anak bojo sukur maring gusti Allah
esih diparingi nikmat lan hidayah

bbm
biasa biasa mawon
ana awan ana padang
metu ngumah golet pangan
sapa kesel bakal isel
sapa rajin akeh rejeki
sapa tlaten bakal olih kamukten
akeh sukur bakal makmur

bbm
biasa biasa mawon
aja kaget lan gumunan
maring kahanan wolak waliking jaman
endi kanca endi lawan
kudu ngatingati lan waspada
eling kineling neng alam dunya
brayan bareng urung kinaruan
bisa dadi seduluran
marga beda pikiran
ora sambat ora etungan
jothakan pantheng panthengan kepentingan

bbm
biasa biasa mawon
donga usaha makarya dadi lakon
mituhu maring adat gotong ronyong
njunjung duwur mendhem jero
gusti lan kawula
aja padha gawe cidra
supaya negara ayem tentrem ora ana gendra

18112014
https://www.facebook.com/groups/geguritan/