IBU

IBU DENING POERWADHIE ATMODIHARJO

Judul                           : IBU

Panyerat                     : Poerwadhie Atmodiharjo

Penerbit                      : Organisasi Pengarang Sastra Jawa (OPSJ)

Tahun terbit               : 2013

Jumlah halaman       : 101 Halaman

Ing novel iki penulis nyaritakake kahanan uripe Prawita sing sarwa kekurangan. Prawita sing uripe mung pas-pasan kuwi duweni anak papat, anake sing nomer siji nganti nomer telu  wadon lan sing wuragil lanang siji. Anake Prawita duweni jeneng Rahayu, Lestari, Subekti, lan Lungiding Lukita. Dene bojone Prawita jenenge Minarni.

Prawita dikucilna karo kaluwargane, amarga deweke nikahan karo Minarni sing anake wong cilik. Minarni kang anake tukang jait pasaran, dianggep ora pantes sesandhingan karo Prawita sing anake pejabat pemerintahan. Kuwi amarga Prawita lan Minarni dianggep ora sepadhan utawa ora sederajat, kaya sing dikarepake bapake Prawita.

Prawita jan-jane wis dijodohake karo anake kancane bapake, anangin Prawita ora gelem amarga Prawita wis pacaran karo Minarni. Mula saka kuwi Prawita milih minggat saka omahe. Kuwi ndadekake bapake Prawita duka, bapake Prawita nganti ngomong menawa Prawita ora gelem nuruti apa sing dikarepake bapake mula deweke bakal ora di anggep anak maneh, lan deweke ora oleh mara menyang omahe maneh.

Nganti tekane bapake Prawita wis seda, Prawita iseh ora diolehi mara menyang omahe saperlu sowan karo ibune. Amarga sipate bapake Prawita sing angkuh, kaku, tur menangan dhewe kuwi nurun menyang kangmase Prawita sing jenenge Pramana. Dadine kangmase iseh ora ngolehi Prawita mara menyang omahe.

Ing sawijining wektu, Prawita ngrasa kangen banget karo ibune, dheweke ora bisa ngempet rasa kangene ing ati. Prawita nekat mara menyang omahe saperlu arep sowan karo ibune sing paling ditresnani. Ibune Prawita beda karo bapak lan kangmase Prawita, amarga ibune Prawita kuwi satemene ora lila yen Prawita ora diolehi mara menyang omahe dhewe.

Ibune Prawita nduweni jeneng Raden Ayu Bratapanata. panjenengane isih asring ndelik-ndelik ketemu karo Prawita, isih asring nakokake kabare Prawita menyang Mbok Jiami, wong sing rewang-rewang ngresiki omah ing omahe Raden Ayu Bratapranata lan wis taun-taunan lawase melu Raden Ayu Bratapanata.

Prawita lunga menyang Ngawi, sowan gone ibune karo ngajak anake sing cilik dhewe lanang, yoiku Lukita. Niate supaya ibune pethuk karo putune, amarga Pramana lan Rustiningsih (bojone Pramana) durung duweni anak, dadine ibune Prawita mung duweni putu saka Prawita tok.

Prawita mara ing omahe kaya wong arep maling, lon-lonan, wedi nek kangmase utawa mbakyune weruh yen dheweke ana kono. Ora weruh yen Pramana lan Rustiningsih jebule ora ana ngomah. Prawita bungah banget atine, amarga dheweke bisa ketemu karo ibune kang paling ditresnani.

Sasuwene ana ing dalan, Prawita lan Lukita omong-omongan terus, dadine adohe Ngawi ora patia dirasakake. Sawise tekan Ngawi Prawita ndudohake omahe eyange Lukita. Lukita nggumun ngerti omah kuwi, amarga omahe beda banget karo omahe. Omahe eyange gedeh banget tur endah dene omahe cilik tur elek.

Prawita langsung ngajak Lukita mlebu lewat buri, dadine Prawita lan Lukita langsung njujuk pawon. Ing kono Prawita ketemu karo Mbok Jiami sing lagi nggoreng tempe.

Weruh yen Prawita mara, Mbok Jiami bungah banget banjur Mbok Jiami langsung ngladeni Prawita lan Lukita. Sinambi goreng tempe, Mbok Jiami gegujengan karo Prawita lan Lukita. Ora let suwe Prawita kepengin goleki ibune, mula Prawita takon marang Mbok Jiami ibune ana ngndi, Mbok Jiami mangsuli yen Raden Ayu Bratapranata ana ing papiliyun.

Banjur Prawita lan Lukita enggal mara menyang papiliyun, supaya bisa langsung ketemu karo ibune saperlu sowan lan kepengin ngilangi rasa kangen ing atine. Sawise suwe omong-omongan, ujuk-ujuk si Pramana lan bojone wis bali. Prawita arep enggal-enggal bali nanging dipenging karo ibune.

Pramana lan Rustiningsih weruh ana bocah cilik ing papiliyun banjur diparani, ing kono Pramana langsung mosine mbledos, amarga dheweke weruh ana Prawita ing kono. Pramana langsung muring-muring menyang Prawita.

Ing kene Raden Ayu Bratapranata nengahi, tanpa mihak sapa-sapa. Raden Ayu Bratapranata menehi pangerten yen wong loro kuwi sedulur, dudu musuh sing saben-saben ketemu banjur padu. Raden Ayu Bratapranata kepengin anak-anake kuwi pada akur, ora mungsuhan terus. Raden Ayu kepengin nduweni keluwarga sing jangkep. Sawise suwe debat wong telu, Pramana banjur nuruti apa sing dikarepake dening ibune. Pramana bisa narima Prawita maneh dadi kaluwargane.

Kabeh pada sowan menyang omahe Pak Marta Ranti kanggo silaturahmi lan ndandani hubungan kekeluargane supaya dadi keluwarga sing sampurna.

Kuwi mau kisaran isine novel sing judule Ibu, ing novel iki panyerat nganggo bahasa sing penak di pahami kanggo para pamaos awam. Anggone panyerat nyeritakake kahanan uripe Prawita dijlentrehake kanthi jelas tur cetha. Ing novel iki panyerat migunakake bahasa sing asring dinggo bendinane ing masyarakat. Kayata; dimar senthir, pengageman sing saanane.

Novel iki mung nganggo judul IBU ora ana sub judule, sing biyasane ana ing buku-buku liyane. Buku iki judule mung siji tok, nanging ceritane maju mundur, sing kudune di pisah-pisahake supaya rada narik niate para pamaos supaya macane tambah sengkut. Tuladhane; sing bagian siji di wenehi jaman uripe Prawita sing wis nikahan karo Minarni, sing bagian loro di wenehi caritane Prawita nalika iseh sekolah, bagian papat diwenehi lakon uripe Prawita nalika di jodohake, nanging Prawita ora gelem terus meksa dheweke minggat saka omah, bagian papat diwenehi ceritane prawita sing mara sowan menyang omahe ibune, lan sing pungkas sing bagian lima diwenehi cerita sing akhire Prawita mbalik akur maneh karo kaluwargane, dadine bisa urip mulya.

Paling ora ing novel iki mau di perang dadi limang sub judul supaya inti ceritane bisa di trima kang cetha. Saka olehku maca buku iki ana lima inti ceritane yo kaya kuwi mau sing wis tak babarake ana ing nduwur kono mau.

Satemene novel iki judul Ibu, samesthine paling ora ibu dadi lakon utamane utawa asring metu ing saben-saben lakon ananging ing isine iki dudu ibu sing dadi lakon untama tapi Prawita sing dadi lakon utamane.

Novel iki migunakake alur campuran amarga ing kene awal-awal langsung nyeritakake uripe Prawita sing wis nikahan karo Minarni, bar kui nyeritakake kahanan uripe Prawita nalika iseh sekolah, banjur bali maneh menyang uripe sing saiki. Dadine ing kene allure campuran.

Sing isa di jupuk saka isine novel iki yokuwi;

1.      Dadi manungsa kudu bisa sabar lan narima ing pandum.

2.     Duwe sedulur kuwi kudu di jaga kekeluargaane, aja nganti mungsuhan karo sedulure dhewe.

3.     Dhewe sing termasuk uwong sing nduwe aja nganti nganggep wong liya rendah, najan pangkate pancen dhewe sing luwih duwur.

4.    Aja nganti gawe kuciwane wong tua.